АҚШнинг Нью-Йорк шаҳридаги “Armory” спорт аренасида ташкил этилган профессионал бокс кечасида олтита рейтинг жанги ўтказилди. Шу куни ўзбекистонлик чарм қўлқоп устаси Жонибек Ҳотамов профессионал фаолиятидаги биринчи жангида америкалик Михал Бинумга қарши рингга кўтарилди. Ушбу баҳс тўрт раунд қилиб белгиланган бўлса-да, охиригача давом этмади. Тўқнашувни кескин ҳужумлар билан бошлаган Жонибек Ҳотамов учинчи бор катта рингга кўтарилган рақибини бир дақиқаю 16 сонияда таслим қилди. Шу тариқа, ўзбек боксчиси фаолиятини муваффақиятли бошлади.
