Inter Handanovic`ə əvəzləyici tapdı
Transfer çalışmalarına erkən başlayan Inter yeni qapıçısının adına aydınlıq gətirib.
37 yaşlı Samir Handanovic`ə əvəzləyici axtaran Milan təmsilçisi cari mövsümün sonunda azad agent statusu daşıyacaq ən yaxşı qapıçılardan biri ilə razılıq əldə edib.
ONBİR məşhur jurnalist Nicolo Schira`ya istinadən xəbər verir ki, Ajax`dan ayrılmağa hazırlaşan Andre Onana karyerasına Inter`də davam edəcək.
25 yaşlı qapıçı ilə illik 3 milyon avrodan 4 illik müqavilə imzalanacaq.
Qeyd edək ki, kamerunlu qapıçı aldığı dopinq cəzası səbəbilə cari mövsümdə heç bir matça çıxa bilməyib. Kamerun millisinin üzvü də olan Onana Barcelona yetirməsidir.