Russland framleis utestengd
Det internasjonale friidrettsforbundet, World Athletics, forlengjer utestenginga av Russland. Det blei klart under forbundskongressen i dag.
Rune Andersen, leiar av arbeidsgruppa som skal halde auge med det russiske arbeidet mot doping, la fram sin rapport på kongressen.
Russland har vore utestengt sidan november 2015 etter avsløringane om systematisk dopingjuks. Andersen og hans gruppe skal følgje med på om landet greie å innføre godkjende antidopingrutiner, men vil enno ikkje godkjenne arbeidet.
– Basert på alle desse faktorane (i rapporten) oppfordrar eg kongressen sterkt til å vedta styret sin resolusjon om at suspensjonen av RUSAFs medlemskap i World Athletics vil fortsetje fram til styret godtek at alle vilkåra er oppfylde, skreiv Andersen til kongressen.
Den fungerande leiaren av den russiske antidopingkomiteen RUSAF, Irina Privalova, var til stades på møtet, men makta ikkje å overtyde Andersens komité om at deira arbeid er kome langt nok.