"Барселона" бош мураббийи Хави "Бавария"га қарши ўйиндаги мағлубиятдан сўнг (0:3) ўз фикрларини билдирди. "Бавария" бизни ҳар томонлама ортда қолдирди. Ҳақиқат шу. Бугун биз учун янги босқич бошланмоқда, қаттиқ меҳнат қилиш лозим. "Барселона"ни ўз ўрнига қайтариш учун кўп ишлаш керак. "Барселона" Чемпионлар лигасида курашишга лойиқ, мағлуб бўлиб Европа лигасига тушиб кетишга эмас. Европа лигаси? Бу реаллик. Биз "Барселона"миз ва барча ўйинларда ғалаба қозонишимиз керак. Рақобатни енгиб ўта оламиз деб умид қилгандим, аммо бу амалга ошмади, - деди Хави.
