ESPN нашри тарқатган хабарга кўра, 2022 йилнинг ёзида "Реал" Мадрид клуби ПСЖ ҳужумчиси Килиан Мбаппе ва Дортмунднинг "Боруссия" клуби ҳужумчиси Эрлинг Холландни қўлга киритмоқчи. Манбага кўра, қироллик клуби "Барселона" дуч келаётган молиявий муаммолардан фойдаланиб қолиш ниятида. Мбаппе ёзда эркин агентга айланади. “Реал” Холанд учун асосий даъвогарлардан бири ҳисобланади. Айтиш керакки, ёзда “Реал”нинг катта маош оладиган 3 нафар футболчиси билан шартномаси тугайди. Булар - Гарет Бейл, Иско ва Марсело. Шу тариқа, “Реал” Мбаппега ҳам, Холандга ҳам маош тўлаш имкониятига эга бўлади.
