Skrelltap for Tyskland i VM-kvaliken
De tyske fotballkvinnene sto utan poengtap før tysdagens bortemøte med Serbia i VM-kvalifiseringa. Der stoppa eit 2-3-nederlag seiersrekka.
Tyskarane hadde sjansen til å innkassere ein plass i neste års VM-sluttspel, men skusla bort første matchball.
Serbia tok leiinga før kvilen og dobla få minutt etter. Tabea Wassmuth reduserte til 2–3 på overtid, men Tysklands sluttoffensiv i Stara Pazova kom for seint.
Bayern München-angriparen Jovana Damnjanovic gjorde to av måla for serbarane.
Etter åtte kampar toppar Tyskland gruppe H med 21 poeng mot Serbias 18. To rundar står att av kvalifiseringa.
Europas ni gruppevinnarar tar seg direkte til VM, mens toerlagene skal ut i omspel i oktober. Meisterskapen skal spelast i Australia og New Zealand sommaren 2023.