U21-laget tapte for Spania
Det norske U21-landslaget i fotball leverte ein godkjent kamp, men blei hakket for små mot eit sterkt spansk lag tysdag. Oppgjeret enda med 0-3-tap.
Det spanske U21-landslaget var god matching for Leif Gunnar Smeruds utvalde før neste sommars EM-sluttspel. Spania er ingen kven som helst, og gjekk blant anna utan tap gjennom si EM-kvalifisering.
Etter 38 minutt måtte keeper Kristoffer Klaesson i aksjon med ein flott beinparade på Rodrigo Riquelmes skot. På den etterfølgjande corneren fekk Jose Gragera stå umarkert inne i feltet og sette inn 1–0 frå kort hold.
Abel Ruiz fekk det veldig enkelt inne i det norske feltet då han auka til 2–0 etter 51 minutt.
På tampen fastsette Spania sluttresultatet til 3–0 då innbytar Hugo Novova fekk plass på kanten og sette ballen i mål ved første stolpe bak Klaesson.