Ашраф Ҳакими жароҳатдан кейин изоҳ қолдирди
ПСЖ ҳимоячиси Ашраф Ҳакими Чемпионлар Лигаси доирасида "Бавария"га қарши ўйинда тўпиғидан жароҳат олди. Орадан бир сутка ўтиб, марокашлик футболчи ижтимоий тармоқларда изоҳ қолдирди.
"Йиқилишлар – йўлнинг бир қисми, аммо қайтишлар кучни намоён этади. Менга хабар йўллаган барча инсонларга раҳмат!" – деб ёзди Ҳакими.
Аввалроқ ПСЖ Ҳакимининг жароҳати ҳақида маълумот берган эди. Матбуотга кўра, футболчи тикланиши учун бир ярим ойдан икки ойгача вақт керак бўлади.
ПСЖ сешанба куни "Бавария"га ўз майдонида 1:2 ҳисобига мағлуб бўлиб, мухлисларини хафа қилди. Парижликларнинг навбатдаги ўйини 9-ноябр куни сафарда "Лион"га қарши бўлиб ўтади.