"Интер" ғалаба қозонди, лекин "Қайрат" ўйин охиригача курашди
"Жузеппе Меацца" стадионида Миланнинг "Интер" клуби Чемпионлар лигаси тўртинчи турида Олмаотанинг "Қайрат" жамоасини мағлубиятга учратди.
Италияликлар ўйинни назорат қилиб, иккинчи бўлимда ғалабани қўлга киритишди — 2:1. "Интер" ўйинни фаол бошлади ва 45-дақиқада Лаутаро Мартинес ҳисобни очди.
Ҳужумчи Дюмфриснинг узатмасидан кейин тўпни қайта тепиб, гол уришга муваффақ бўлди. Аммо Қозоғистон клуби таслим бўлмади.
Бурчак тўпи ўйналганидан сўнг Офрай Арад аниқ зарба билан ҳисобни тенглаштирди. Жамоалар танаввусга тенг имкониятлар билан чиқишди.
Иккинчи бўлимда "Интер" ўйинда ишончлироқ ҳаракат қилиб, Анарбеков дарвозаси томон кўпроқ хавф туғдирди. "Қайрат"нинг зич ҳимоясига қарамай, мезбонлар ўз мақсадларига эришишди.
69-дақиқада Карлос Аугусто жарима майдони чизиғидан яқин бурчакка зарба бериб, гол урди. Ушбу зарба ҳал қилувчи бўлди.
Миланликлар тўпга кўпроқ эгалик қилишди ва дарвоза томон кўп зарба йўллашди. "Қайрат" эса қарши ҳужумларга таяниб кўрди.
Иккинчи бўлим давомида ҳар икки жамоа мураббийлари ўйинчиларни алмаштиришди. Меҳмонлар сафида Рикардиньо ва Байбек майдонга туширилган бўлса, мезбонлар сафида Тюрам ва Чалханўғлу ўйинга қўшилди.
Қозоғистонликлар бор кучи билан ҳаракат қилишганига қарамай, ҳисобни ўзгартира олишмади.