"Барселона" сафарда "Бетис"ни голлар ёмғири остида мағлуб этди

Ла Лиганинг 15-турида “Барселона” сафарда “Бетис” устидан жуда драматик ва унумли беллашувда 5:3 ҳисобида ғалаба қозонди. Ушбу ўйин голларга тўла бўлиб, мухлисларнинг ҳис-туйғулари бир неча бор “пик” ҳолатига тушди.

Тўп ҳаракати юқори бўлган учрашув якунида каталонияликларнинг ҳужумчиси Ферран Торрес ҳақиқий қаҳрамонга айланди — у сафарда рўй берган ўйинда хет-трик қайд этиб, жамоасини ғалабага етаклади. Ёш талант Ламин Ямал эса пеналтидан аниқ зарба йўллаб, ҳисобни янада мустаҳкамлади.

Биринчи бўлимдаёқ Флик шогирдлари рақиб дарвозаси томон босимни кучайтира бошлади. Тезкор голлар, тезкор жавоблар ва юқори темпда давом этган ўйин томошабинлар учун ҳақиқий футбол байрами бўлди. “Бетис” ҳам жавобсиз қолмади — Антонининг эрта голи, охирги дақиқаларда Лоренте ва Гучо томонидан киритилган голлар ўйинни янада қизитди. Бироқ бу ҳам “Барса”нинг ҳужумдаги учқунли ўйинини тўхтата олмади.

Ғалабадан кейин “Барселона” очколарини 40 тага етказди ва турнир жадвалида пешқадамлик мавқеини янада мустаҳкамлади. “Бетис” эса 24 очко билан 5-поғонада қолмоқда.

Ла Лига, 15-тур
Бетис – Барселона 3:5
Голлар: Антони 6, Ллоренте 85, Гучо 90 – Торрес 11, 13, 40; Барканжи 31; Ямал 59 (пен.)

Бетис: Валлес, Руибал, Бартра (Ллоренте 60), Натан (Фирпо 60), Гомес, Алтимира, Рока, Антони, Форналс, Абде, Гучо.
Барселона: Жоан Гарсия, Кунде, Кубарси, Жерар Мартин (Де Йонг 63), Балде, Эрик Гарсия, Руни (Фермин Лопес 68), Педри (Бернал 63), Ямал, Торрес, Рэшфорд.