Энцо Мареска «Челси»даги муаммолардан хавотирда

«Челси» яна муваффақиятсизликка учради: жамоа сешанба куни Чемпионлар Лигаси доирасида «Аталанта»га қарши ўйинда 1:2 ҳисобида мағлуб бўлди. Энцо Мареска бошчилигидаги жамоа кетма-кет тўрт ўйинда ғалаба қозона олмаяпти.

Бергамога сафар қилишдан олдин «кўклар» «Борнмут» (0:0) ва «Арсенал» (1:1) билан дуранг ўйнаб, «Лидс»га (1:3) мағлуб бўлишди. «Мен доим хавотирдаман.

Сўнгги тўрт ўйинда атиги икки очко йиғдик – бу биз кутган натижа эмас. Яхшироқ ўйнашимиз керак», – дейди италиялик мураббий The Touchline нашрига берган интервьюсида.

13 декабр, шанба куни «Челси» Англия чемпионатининг 16-турида ўз майдонида «Эвертон»га қарши ўйин ўтказади.