Торино спорт директори Давиде Ваняти истеъфога чиқарилди
Италия чемпионатининг сўнгги турида "Милан"га қарши ўйинда мағлубиятга учраган "Торино" клуби спорт директори Давиде Ваняти билан хайрлашди. Бу қарор бош мураббийга эмас, айнан спорт директори лавозимига таъсир кўрсатди.
Чоршанба куни клуб Давиде Ваняти билан ҳамкорликни якунлаганини расман эълон қилди. Унинг ўрнига "Торино" раҳбарияти Жанлука Петракани қайтарди.
У аввалроқ бу лавозимда тўққиз йил ишлаган эди. Сўнгги пайтларда Жанлука Петрака "Салернитана" клубида фаолият олиб борган, аммо у ерда жамоани А Серияда мустаҳкамлашга муваффақ бўлмади.
"Торино" клуби матбуот хизмати орқали янги-янги мақсадлар сари ҳаракат қилишларини ва Жанлука Петрака билан биргаликда Европа мусобақалари зонасига чиқишни кўзлаётганликларини билдирди.