Аршавин Кержаков Брунейга учта гол уришини айтди
Лондоннинг “Арсенал”и ва Санкт-Петербургнинг “Зенит” клубида тўп сурган собиқ футболчи Андрей Аршавин Россия терма жамоасининг экс-ҳужумчиси Александр Кержаковнинг ҳозирги ҳолатини баҳолади. Бу ҳақда euro-football.ru хабар беради.
Аршавин Fonbet’нинг YouTube каналида Кержаков яхши формага кирганини таъкидлаб, “Брунейга учта гол уради, деб ўйлайман”, деди.
Эслатиб ўтамиз, FIFA Германияга қарши ўртоқлик учрашувида (2:2) Аршавин номига ёзилган голни Кержаков ҳисобига ўтказиш ҳақида қарор чиқарган. Агар Россия футбол иттифоқи бу қарорни тасдиқласа, Александрнинг терма жамоадаги голлари сони 31 тага етади ва у миллий жамоанинг энг яхши тўпурари Артём Дзюба билан тенглашади.