Кафу Гасперинини Апеннин яриморолининг энг кучлиларидан деди
“Рома”нинг собиқ футболчиси, бразилиялик ҳимоячи Кафу клубнинг амалдаги бош мураббийи Жан Пиеро Гасперини ишини жуда юқори баҳолади. Мутахассис жамоани “Аталанта”даги муваффақиятли давридан сўнг қабул қилиб олган. Бу ҳақда euro-football.ru хабар беради.
Кафунинг фикрича, Гасперини Италиядаги энг етук мураббийлардан бири. “Рома” уни таклиф қилиш орқали сўнгги йиллардаги энг яхши танловлардан бирини амалга оширди ва натижалар ҳам кўрина бошлади: жамоа аниқ ўсиш йўлида”, — дея Кафунинг сўзларини келтиради pianetamilan.it.
Эслатиб ўтамиз, Кафу 1997–2003 йилларда “Рома” сафида тўп сурган, кейин эса “Милан”га ўтган. У Бразилия терма жамоаси билан икки бор жаҳон чемпиони бўлган.