«Челси» бош мураббийлигига асосий номзод номи айтилди
2026 йилнинг илк кунида «Челси» бош мураббий алмашаётганини расман эълон қилди: лондонликлар Энсо Мареска жамоани тарк этганини маълум қилди. Бу ҳақда euro-football.ru хабар беради.
The Independent хабарига кўра, Маресканинг энг асосий вориси сифатида 41 ёшли мутахассис Лиам Розенор кўрилмоқда. У ҳозирда Францияда «Страсбург» клубини бошқармоқда.
Айни пайтда «Челси» Англия Премьер-лигаси турнир жадвалида 5-ўринда бормоқда. Жамоанинг навбатдаги лигадаги учрашуви 4 январ куни сафарда «Манчестер Сити»га қарши ўтади, ўйин 22:30 да (Тошкент вақти билан) бошланади.
2025 йил якунидаги сўнгги баҳсда «Челси» «Борнмут» билан 2:2 ҳисобида дуранг ўйнаган эди.