«Наполи» академияси тарбияланувчиси 23 ёшида футболни тарк этди
23 ёшли Давиде Костантсо кутилмаганда фаолиятини якунлашини эълон қилди. У «Наполи»нинг иккинчи жамоасини тарк этишини ва умуман футбол билан хайрлашишини маълум қилди. Бу ҳақда euro-football.ru хабар беради.
Футболчи сўзларига кўра, у тўрт ёшидан бошлаб орзуси йўлида тинмай меҳнат қилган, бироқ вақт ўтиши билан футболга бошқача нигоҳ билан қарай бошлаган. Костантсо бу спортда меҳнат ва хизматлар ҳар доим ҳам ҳал қилувчи омил бўлавермаслигини тушунганини айтиб, энди ҳаётида бошқа йўлни танлаш ниятида эканини билдирди.
Эслатиб ўтамиз, «Наполи» ҳозирда Италия чемпиони ҳисобланади.