Де Лаурентиис 2025 ютуқларини эътироф этди, 2026 ундан ҳам зўр бўлиши мумкин
«Наполи» президенти Аурелио де Лаурентиис клубнинг 2025 йилдаги сермаҳсул натижаларини алоҳида қайд этди. Ўша йил неаполликлар А Серияда чемпионликни қўлга киритиб, Италия Суперкубогини ҳам ютган эди. Бу ҳақда euro-football.ru хабар беради.
Клуб раҳбари янги бошланган йил янада муваффақиятли кечишига ишонмоқда. «2025 йил биз учун жуда яхши ва руҳлантирувчи бўлди. Энди бошланиб кетган йилни бундан ҳам самарали якунлаш учун барча кучимизни берамиз, гарчи бу осон бўлмаса ҳам», — дея унинг сўзларини calcionapoli1926.it келтиради.
Айни пайтда «Наполи» Италия чемпионати турнир жадвалида учинчи ўринда бормоқда. Якшанба куни жамоа А Сериянинг 18-турида «Лацио»га қарши майдонга тушади.