Филлькруқ Милан мухлисларига илк мурожаатини йўллади
Германиялик ҳужумчи Никлас Филлькруқ "Милан" сафига қўшилди. Ҳозирча у италян клубига ижара асосида келган. Бу ҳақда euro-football.ru хабар беради.
Футболчи мухлисларга йўллаган илк гапларида "Сан-Сиро"да тўп суриш ўзи учун улкан шараф эканини таъкидлади. Бироқ унинг дебюти, катта эҳтимол билан, "Милан" бугун сафарга борадиган ўйинда — Калярияда бўлиб ўтади.
"Ассалому алайкум, мен шу ердаман ва бу мен учун катта шараф. Бу футболкани кийишни сабрсизлик билан кутяпман. Клуб учун боримни беришга ҳаракат қиламан ва ким билсин, балки ўз исмимни ҳам унинг шонли тарихига ёздирорман. Кетдик!" — дея Филлькруқнинг сўзларини pianetamilan.it келтирди.
Филлькруқнинг аввалги клуби Лондоннинг "Вест Хэм" жамоаси эди.