Хулиан Алварес АПЛга қайтиши мумкин, «Ман Юнайтед» қизиқмоқда
Мадриднинг «Атлетико» клуби ҳужумчиси Хулиан Алварес яна Англия Премьер-лигасида тўп суриши эҳтимоли бор. Бу ҳақда euro-football.ru хабар беради.
Footysm хабарига кўра, аргентиналик форвардни таркибига қўшиб олишга «Манчестер Юнайтед» жиддий қизиқиш билдирмоқда. «Қизил иблислар» Алваресни трансфер бозоридаги асосий мақсад сифатида белгилаб олган ва футболчини клубга кўндириш учун бор имкониятни ишга солмоқчи.
Алварес 2024 йил ёзида «Манчестер Сити»дан «Атлетико»га 75 миллион евро эвазига ўтган. Унинг Мадрид клуби билан шартномаси 2030 йил 30 июнгача амал қилади. Жорий мавсумда у «матрасчилар» сафида барча мусобақаларда 25 ўйинда майдонга тушиб, 11 гол урди ва 5 ассист қайд этди. Transfermarkt портали футболчининг қийматини 100 миллион еврога баҳоламоқда.