Браҳим Диас Африка Кубоги финалидан кейин қўнғироқларга жавоб бермаяпти
Мадриднинг «Реал» клуби ҳужумкор ярим ҳимоячиси Браҳим Диас Африка Миллатлар кубоги финалидаги воқеани оғир қабул қилмоқда. У Марокаш терма жамоасига совринни олиб келиши мумкин эди, бироқ иккинчи бўлим охирида 0:0 ҳисобида пенальтини «паненка» услубида тепа олмади. Бу ҳақда euro-football.ru хабар беради.
Шундан сўнг баҳс қўшимча бўлимларга чўзилди. Унда Сенегал битта гол уриб, ғалабани қўлга киритди.
Indykaila News хабарига кўра, Диас ҳозирча ҳеч кимнинг телефон қўнғироқларига жавоб бермаяпти. Манбага кўра, футболчи бир муддат ёлғиз қолиб, ўзига келишни истамоқда. Шунга қарамай, у ижтимоий тармоқларда баёнот билан чиқди.
Диас яқин вақт ичида «Реал»нинг базасига қайтиши керак.
Финалдан кейин у қисқа изоҳ ҳам қолдирди: «Кечирасиз».