Чемпионлар Лигаси рейтингида Кейн иккинчи, Ямал еттинчи

Чемпионлар Лигасининг умумий босқичи якунланишига яқинлашди: жамоалар олдинда фақат битта тур ўйнайди. Етти турдан кейин WhoScored статистик портали тузган энг яхши футболчилар рейтингида Мадриднинг “Реал” клуби ҳужумчиси Килиан Мбаппе пешқадам бўлиб турибди. У турнир тўпурарлари пойгасида ҳам 11 та гол билан етакчилик қилмоқда. Бу ҳақда euro-football.ru хабар беради.

Ўртача баҳолар бўйича иккинчи ўринда “Бавария” форварди Гарри Кейн қайд этилди. Кучли учликни эса унинг жамоадоши Майкл Олисе якунлаб турибди. “Атлетико” вакили Хулиан Алварес тўртинчи, “Ливерпул” ярим ҳимоячиси Доминик Собослаи бешинчи поғонадан жой олди.

6–10-ўринларда Виктор Осимҳен (“Галатасарай”), Ламин Ямал (“Барселона”), Йенс Хауге (“Будё-Глимт”), Хвича Кварацхелия (“ПСЖ”) ҳамда “Реал” дарвозабони Тибо Куртуа қайд этилган.

Сўнгги тур учрашувлари 28-январ куни бўлиб ўтади.