«Лилл» уйида «Страсбург»га йирик ҳисобда имкониятни бой берди
Бир неча тур аввал «Лилл» турнир жадвалида етакчилар сафида бораётганди, бироқ якшанба куни жамоа кетма-кет учинчи мағлубиятини қабул қилиб олди. Бу сафар француз клуби ўз майдонида «Страсбург»га 1:4 ҳисобида ютқазди. Бу ҳақда euro-football.ru хабар беради.
Учрашувнинг 25-дақиқасида Хоакин Паничелли ҳисобни очди, орадан бир дақиқа ўтиб эса у Хулио Энсисога голга пас узатди — 0:2. Энсисо дубл қайд этиш имкониятини қўлдан чиқарди: жарима майдонидан йўллаган зарбаси нишонга бормади. Кейинроқ Диегу Морейра дарвозабонни ишга солди, Паничелли эса Мартиал Годонинг узатмасидан сўнг бош билан тўпни тўсин устунига теккизди.
Иккинчи бўлимда ҳам «Страсбург» устунликни сақлаб қолди: Морейранинг хавфли зарбасини ҳимоячи тўсиб қолди. 58-дақиқада Морейра жарима майдонида Годони топди ва у ҳисобни йирик кўринишга келтирди — 0:3. 72-дақиқада Годо Энсисонинг узатмасидан дублини расмийлаштирди — 0:4. Фақат якуний ҳуштак арафасида Матиас Фернандес-Пардо мезбонлар учун «обрў» голини урди — 1:4.
Натижадан сўнг «Лилл» 5-ўринда қолди, «Страсбург» эса 7-поғонада бормоқда ва рақибидан атиги икки очко ортда.