«Барселона» Фермин Лопес билан янги шартномани келишиб олди
«Барселона» ярим ҳимоячи Фермин Лопес билан шартномани узайтириш бўйича келишувга эришди. La Vanguardia хабарига кўра, томонлар битимни 2031 йилнинг ўрталаригача амал қиладиган кўринишда келишиб олган. Бу ҳақда euro-football.ru хабар беради.
Янги шартларга биноан, Лопеснинг маоши 50 фоизга ошади. Шунингдек, футболчининг трансфер банди ҳам икки баробар кўтарилиб, 1 миллиард евроға етади — бундай сумма эвазига уни «Барселона»дан олиб кетиш амалда имконсиз.
Каталония клуби шартнома узайтирилганини Чемпионлар лигасида «Копенгаген»га қарши ўйиндан кейин расман эълон қилиши кутилмоқда. Учрашув чоршанба, 28 январ куни бўлиб ўтади.
2025/2026 йилги мавсумда Фермин Лопес 25 та ўйинда майдонга тушиб, 10 та гол урди ва жамоадошларига 10 та голли узатма берди.