«Реал» Мбаппе борасида Чемпионлар лигаси олдидан янгилик берди
«Реал» Европа Чемпионлар лигасида «Бенфика»га қарши сафардаги учрашувга тайёргарлик кўрмоқда. Душанба куни жамоа навбатдаги машғулотни ўтказди ва клуб расмий сайти айрим футболчиларнинг ҳолати бўйича янгиланган маълумотларни эълон қилди. Бу ҳақда euro-football.ru хабар беради.
Хабарга кўра, Килиан Мбаппе якка дастур асосида меъёрий юклама билан шуғулланган. Антонио Рюдигер машғулотнинг бир қисмини умумий гуруҳ билан ўтказиб, кейин индивидуал ишлаган. Шунингдек, Мбаппе ва Каррерас ҳам меъёрий индивидуал тренинг бажаргани қайд этилди.
Таъкидланишича, Эдер Милитао залда машқ қилган, Ферлан Менди эса якка тартибда — майдонда ҳам, бино ичида ҳам — тайёргарликни давом эттирган.
«Бенфика» — «Реал» учрашуви 29 январ куни 01:00 да (Тошкент вақти билан) старт олади.