Джикиянинг агенти ҳимоячининг келажаги ҳақида гапирди
«Антальяспор» футболчиси Георгий Джикия билан ишлайдиган агент Владимир Кузьмичёв россиялик ҳимоячининг клубдаги истиқболи юзасидан фикр билдирди. Бу ҳақда euro-football.ru хабар беради.
Агентнинг айтишича, Джикиянинг аҳволи яхши, жамоа мураббийлар штаби ҳам унга ишонмоқда. Сўнгги учрашувларда у майдонга тушмагани сабаби эса микрояроҳат бўлган, ҳозир эса тикланиб улгурган ва кейинги ўйинда ўйнаши кутилмоқда.
Аввалроқ оммавий ахборот воситаларида турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Джикиянинг Туркия чемпионати жорий мавсумида 12 та ўйинда қатнашиб, 2 та гол ургани қайд этилади. Унинг «Антальяспор» билан амалдаги шартномаси 2027 йилнинг ўрталаригача мўлжалланган.