ПСЖ Луис Энрике билан шартномани узайтириш бўйича музокара бошлади
ПСЖ бош мураббий Луис Энрике билан амалдаги келишувни узайтириш масаласини кун тартибига чиқарди. Бу ҳақда euro-football.ru хабар беради.
Le Parisien журналисти Бенжамен Куарез хабарига кўра, франсуз клуби испаниялик мутахассис билан янги шартнома бўйича музокараларни бошлаб юборган. Парижликлар жамоани айнан Энрике атрофида қуришни истамоқда, чунки мураббий клуб лойиҳасининг асосий устунларидан бири сифатида кўрилмоқда. Манбага кўра, Энрике ПСЖда ўзини қулай ҳис қилмоқда ва клуб ичида яқин вақт ичида унинг кетиши тасаввурга сиғмайдиган ҳолат деб баҳоланмоқда.
Луис Энрике ПСЖни 2023 йилдан буён бошқариб келмоқда. Унинг шартномаси 2027 йил 30 июнгача мўлжалланган. Энрике қўл остида парижликлар Франция Суперкубогини уч марта, Лига 1 ва Франция Кубогини икки марталаб, шунингдек Чемпионлар лигаси, УЕФА Суперкубоги ва Қитъаларо кубокни бир мартадан қўлга киритди.