«Барселона» уй учрашувларида мутлақ ғалабалар қайд этди
Европанинг саккизта етакчи чемпионати орасида фақат битта клуб ўз майдонида ҳали бирор очко ҳам йўқотмаган. Бу натижа Испаниянинг «Барселона» жамоасига тегишли. Бу ҳақда euro-football.ru хабар беради.
Каталонияликлар Ла Лигада уйда ўтказган 11 та учрашувнинг барчасида ғалаба қозонди. 7-февраль куни бўлиб ўтган сўнгги баҳсда «Барселона» «Мальорка»ни 3:0 ҳисобида йирик мағлубиятга учратди.
Испания, Англия, Германия, Франция, Италия, Португалия, Нидерландия ва Бельгия олий дивизионларида эса энди уй ўйинларида камида бир марта дуранг ўйнаган ёки мағлуб бўлган жамоасиз клуб қолмади.
«Барселона» 24 турдан сўнг 58 очко билан турнир жадвалида пешқадам. «Реал» 4 очко ортда бормоқда, мадридликларнинг битта захира учрашуви ҳам бор.