«Ливерпул» АПЛдаги антирекордни яна такрорлаб қўйди
Англия Премьер-лигасининг 25-турида «Ливерпул» ўз майдонида «Манчестер Сити»га 1:2 ҳисобида имкониятни бой берди. Учрашувда «қизиллар» 74-дақиқада Доминик Собослаи голидан сўнг ҳисобни очди, бироқ қолган дақиқаларда икки бор гол ўтказиб юборди. Бу ҳақда euro-football.ru хабар беради.
Беллашув тақдири 93-дақиқада ҳал бўлди: Эрлинг Холанн пенальти зарбасини аниқ ижро этиб, «Сити»га ғалаба келтирди.
Opta маълумотига кўра, Арне Слот жамоаси жорий мавсумда тўртинчи марта рақибга қўшиб берилган дақиқаларда ғалаба голини уришга йўл қўйди. Бу АПЛ тарихидаги антирекорд кўрсаткичига тенг: аввалроқ «Уотфорд» (икки марта), «Вест Ҳем» ва «Саутгемптон» ҳам шундай ҳолатни қайд этган.
Чемпионатда яна 13 тур бор, шу боис «Ливерпул» бу борада якка антирекорд соҳиби айланиб қолиш хавфи остида турибди.