Ди Мария Аргентинада симуляция айбловлари остида қолди
Анхел ди Мария ватани Аргентинага қайтди ва дастлабки ижобий ўйинлардан сўнг унинг атрофида нохуш фон кучайди. Гап натижалардан кўра кўпроқ рақиблар ва мухлислар норозилигида: улар тажрибали ҳужумчи майдонда тез-тез йиқилиб, қоида бузилишини «олиб беришга» уринади, деб ҳисобламоқда. Бу ҳақда euro-football.ru хабар беради.
Аргентина чемпионатига бағишланган форумларда «Нега ди Марияни ҳийлалари учун ҳеч қачон огоҳлантиришмайди?», «Ди Мария юлдуз, аммо унинг қилаётганлари жонига тегди», «Шундай футболчи пеналти сўраб, виждонсизларча йиқилаётгани ачинарли» каби гаплар кўпайди. Аввал «Манчестер Юнайтед» ва «Реал» сафида тўп сурган футболчи ҳозир «Росарио Сентрал» таркибида ўйнамоқда.