The Athletic тарихий рейтинги Месси ва Марадонани олдинга чиқарди
Ижтимоий тармоқларда The Athletic тузган футбол тарихидаги энг кучли 100 нафар ўйинчи рейтинги қизғин муҳокамаларга сабаб бўлмоқда. Бу ҳақда euro-football.ru хабар беради.
Рўйхатнинг кучли ўнталиги қуйидагича: Лионел Месси, Диего Марадона, Пеле, Йохан Кройф, Криштиану Роналду, Альфредо ди Стефано, Франц Беккенбауэр, Зинедин Зидан, Ференц Пушкаш ва Мишел Платини.
Бундай рейтингларни мутлақо холис тузиш мушкул экани таъкидланмоқда. Reddit’даги изоҳларда футбол мухлислари ўртасида кескин баҳслар авж олди: айримлар уч карра жаҳон чемпиони бўлган Пеленинг нега фақат учинчи ўринда қолганидан норози.
Шунингдек, дарвозабонлар орасида афсона саналадиган Лев Яшин ушбу рейтингда 18-поғонадан жой олди.