Каррерас «Валенсия»га қарши ўйинда ҳужумга боришини тушунтирди

Мадриднинг «Реал» клуби Ла Лиганинг 23-турида «Валенсия»ни 2:0 ҳисобида мағлуб этди. Учрашувдаги ҳисобни Альваро Каррерас очиб, жамоасининг ғалабасига муҳим ҳисса қўшди. Бу ҳақда euro-football.ru хабар беради.

Футболчи клуб телеканалига берган изоҳида беллашув оғир кечишини олдиндан билишганини таъкидлади. Унинг айтишича, «Валенсия» фаол прессинг билан ўйнаган ва уч очкога жуда муҳтож бўлган, бироқ «Реал» сафарга фақат ғалаба учун келган.

Каррерас сафардаги ғалабалар сериясини давом эттириш ниҳоятда муҳимлигини ҳам қайд этди. «Реал» айнан шу натижалар орқали чемпионат пешқадамига босимни ушлаб туришни мақсад қилган.

Биринчи гол эпизоди ҳақида тўхталаркан, ҳимоячи олдинга кескин югуриб чиққанини, иккиланиўвсиз бўш ҳудудни кўргач зарба берганини ва тўп дарвозадан жой олганини айтди. «Майдонга тушганимда аввало жамоавий ўйинга эътибор бераман, ҳимояда ишлайман. Аммо ҳужумга қўшилиш учун имконият туғилса, бор кучимни бераман», — деди у.

Турнир жадвалида иккинчи ўринда бораётган «Реал» пешқадам «Барселона»ни қувишда давом этмоқда: жамоаларда мос равишда 57 ва 58 очко бор.