Жоан Лапорта «Барселона» билан хайрлашиб, сайловга тайёрланмоқда
Жоан Лапорта «Барселона» президенти лавозимини тарк этди. Клуб регламентига кўра, у кейинги президентлик сайловларида қатнашиш ҳуқуқини сақлаб қолиш учун айнан шундай қадам ташлашга мажбур бўлди. Бу ҳақда euro-football.ru хабар беради.
Сешанба куни Лапорта жамоанинг машғулот базасига бориб, футболчилар билан хайрлашди. The Touchline хабарига кўра, тарқалган суратда «Барселона» бош мураббийи Ханс-Дитер Флик Лапортани қучоқлаб тургани акс этган.
«Барселона» президентлиги учун сайлов 15 март куни бўлиб ўтади. Лапорта ушбу сайловда ғалаба қозониш ниятида.
Ҳозирда «Барселона» Испания Ла Лигаси турнир жадвалида пешқадам. Иккинчи ўриндаги «Реал» каталонияликлардан атиги бир очко орқада бормоқда.