Буффон Пио Эспозитони Италия футболининг катта умиди деди
Туриннинг “Ювентус” клуби ва Италия терма жамоасининг собиқ дарвозабони Жанлуижи Буффон ҳозирги пайтдаги энг истиқболли италиялик футболчи кимлигини айтди. Унинг фикрича, бу — “Интер” ҳужумчиси Пио Эспозито. Бу ҳақда euro-football.ru хабар беради.
Буффон ёш футболчи яқин келажакда катта саҳнада ўзини кўрсатишига ишонмоқда ва у жаҳон чемпионатидаёқ порлаши мумкинлигини таъкидлади.
“Эспозитони шахсан кузатганман ва у менда жуда катта таассурот қолдирди. У камтар ва профессионал, мотивацияга тўла, доимо иштиёқ билан ўйнайди. Мен уни Италия терма жамоасининг жаҳон чемпионати таркибига ҳеч иккиланмасдан олган бўлардим”, — дея Буффоннинг сўзларини calcionapoli1926.it келтирди.
Эслатиб ўтамиз, “Интер” айни пайтда Италия чемпионати турнир жадвалида пешқадам бўлиб турибди.