Португалия мундиалда финалга чиқишни асосий мақсад қилди
Португалия терма жамоаси келаси ёзда жаҳон чемпионатида иштирок этади. Турнир уч мамлакат — АҚШ, Мексика ва Канадада бўлиб ўтади. Бу ҳақда euro-football.ru хабар беради.
The Touchline хабарига кўра, Португалия футбол федерацияси жамоа олдига катта вазифа қўйди: мундиал финалига чиқиш. Ундан олдинроқ босқичда мусобақани тарк этиш федерация томонидан муваффақиятсизлик сифатида баҳоланади.
Федерацияда Португалия 2026 йилги жаҳон чемпионатини ютишга ҳам қодир, деган ишонч бор. Жамоа сардори — Криштиану Роналду, бош мураббий эса — Роберто Мартинес.
Португалия терма жамоасининг жаҳон чемпионатларидаги энг яхши натижаси — 1966 йилда қўлга киритилган учинчи ўрин.