Европанинг топ-5 лигасида 30 ёшдан катталар майдонга тушмаган икки клуб бор
Европанинг энг кучли беш лигасида ҳозирча атиги икки клуб мавсум давомида 30 ёшдан ошган футболчини майдонга туширмади. Бу ҳақда euro-football.ru хабар беради.
Opta Sports маълумотига кўра, бу АПЛдаги Лондоннинг «Челси»си ҳамда Бундеслигадаги «Штутгарт». Қолган жамоалар эса ўз миллий чемпионатларида камида бир марта 30 ёшдан катта ўйинчини учрашувга қўшиб юборган.
Янги бош мураббий Лиам Розеньор қўл остидаги «Челси» АПЛ жадвалида 44 очко билан бешинчи ўринда бормоқда. «Штутгарт» ҳам Бундеслигада 39 очко жамғарган ҳолда бешинчи поғонада, тўртинчи ўриндан эса қўшимча кўрсаткичлар бўйича ортда. Шваблар учинчи ўриндан уч очко узоқликда.