Роналдунинг қизи билан бирга залда машғулоти эътиборда
Криштиану Роналдунинг жуфти Жоржина Родригес ижтимоий тармоқларда янги сурат улашди. Кадрда ҳужумчи спорт залида гантеллар билан машқ қилаётгани акс этган. Бу ҳақда euro-football.ru хабар беради.
41 ёшли футболчи ёнида унинг қизларидан бири ҳам бор: у ҳам қўлида гантел ушлаб турибди, фақат кичик ўлчамдагиси — пушти рангда.
Жоржина суратга “Дада” деб изоҳ қолдирди. Аввалроқ у Роналдуни туғилган куни билан табриклаган, бироқ пост футболчининг 41 ёшга тўлганидан бир кун ўтиб эълон қилингани ҳам диққат тортган.
Маълумот учун, Роналду «Ал-Наср»нинг сўнгги бир нечта ўйинларида майдонга тушмади. ОАВда эса португалиялик футболчи клуб бошқарувидан норози бўлгани сабаб учрашувларни бойкот қилаётгани ҳақида хабарлар тарқалган.