Эндрик «Лион» жамоасидаги барчага Sony PlayStation совға қилди
Бразилиялик Эндрик янги клуби «Лион» сафидаги илк ўйинларидаёқ ўзини ёрқин кўрсатди: у аллақачон хет-трик қайд этишга улгурди. Унинг натижадорлиги фонида «Лион» барча мусобақаларни қўшиб ҳисоблаганда кетма-кет 12 учрашувдан бери ғалаба қозониб келмоқда. Бу ҳақда euro-football.ru хабар беради.
Эндрик янги жамоасида кўрсатилган эътибордан жуда мамнун. Шу сабаб у клубнинг барча вакилларига Sony PlayStation совға қилишга қарор қилди. Футболчи бу йўл билан янги жамоада тезроқ мослашиб, жамоавий муҳитни мустаҳкамлашни кўзламоқда.
Ҳозирча бразилиялик ҳужумчи «Лион» таркибида 6 та ўйинда майдонга тушиб, 5 та гол урди ва 2 та голли узатма берди. Эслатиб ўтамиз, у аввалроқ Мадриднинг «Реал» клубида кутилган даражада ўйин кўрсата олмаганди.