Гарри Кейн топ лигаларда 300 голлик маррага етди
Мюнхеннинг «Бавария» клуби ҳужумчиси Гарри Кейн Европанинг беш кучли чемпионатида 300 та гол урган футболчилар сафидан жой олди. Бу ҳақда euro-football.ru хабар беради.
Англиялик форвард бу кўрсаткичга эришган тарихдаги тўққизинчи ўйинчига айланди. Кейннинг юбилей — 300-голи Бундеслига доирасида «Вердер»га қарши ўйинда (3:0) қайд этилди.
Унга қадар 300 ва ундан кўп гол уришга Лионел Месси, Криштиану Роналду, Роберт Левандовски, Жимми Гривз, Герд Мюллер, Стив Блумер, Дикси Дин ҳамда Златан Ибрагимович муваффақ бўлган.
Топ чемпионатлардаги умумий голлар бўйича етакчилик ҳануз Лионел Мессида — 396 та. Криштиану Роналду ундан атиги битта гол орқда, бироқ ҳар икки юлдуз ҳозир фаолиятини Европадан ташқарида давом эттирмоқда.
Кейн «Бавария»га келишидан олдин кўп йиллар «Тоттенхэм» сафида тўп сурган эди.