Куртуа Трентнинг кучи анчадан бери кўриниб турарди
Мадриднинг “Реал” клуби дарвозабони Тибо Куртуа ўнг қанот ҳимоячиси Трент Александер-Арнолднинг майдондги ҳаракати ҳақида фикр билдирди. Бу ҳақда euro-football.ru хабар беради.
Англиялик футболчи Ла Лиганинг шанба кунги “Реал Сосьедад”га қарши учрашувида (4:1) жамоа етакчиларидан бири бўлди. 27 ёшли ҳимоячи Гонсало Гарсияга гол узатмасини бериб, баҳсдаги илк тўп муаллифига ассист ёздириб қўйди.
“Трентда жуда юқори савия борлиги аллақачон маълум эди. У биз учун жуда фойдали. Бугун узатмалари жуда аниқ чиқди — биринчи гол эпизодини эсланг. Ҳамма соғлом бўлса, жамоа анча кучли бўлади, шунда футболчиларни ўз жойидан бошқа позицияларда ўйнатишга ҳожат қолмайди”, — деди Куртуа ўйиндан кейинги интервьюсида.
Александер-Арнолд “қироллик клуби” сафида декабр бошидан бери илк бор старт таркибида майдонга тушди. “Ливерпул”нинг собиқ футболчиси яқинда жароҳатдан сўнг сафга қайтган эди.