Чинквини Сафонов ПСЖда узоқ йиллар биринчи рақам бўлиши мумкин
Россия терма жамоасининг собиқ менежери Оресте Чинквини дарвозабон Матвей Сафоновнинг французнинг “ПСЖ” клубидаги истиқболлари ҳақида фикр билдирди. Бу ҳақда euro-football.ru хабар беради.
Мутахассиснинг айтишича, Сафонов яқин йилларда Париж клубининг асосий дарвозабони мақомини мустаҳкамлаб олиши мумкин: ҳозир дарвоза айнан унга ишониб топширилмоқда, Шевалье эса захирада қолмоқда.
Чинквини Сафонов “Ренн”га қарши сўнгги учрашувда (1:3) учта гол ўтказиб юборганига қарамай, старт таркибида майдонга тушиш имконияти ҳануз юқори эканини таъкидлади.
Жорий мавсумда 26 ёшли Сафонов барча мусобақаларда 8 та ўйин ўтказди, 8 та гол ўтказди ва 3 учрашувда дарвозасини дахлсиз сақлаб қолди.
“ПСЖ”нинг навбатдаги учрашуви 17-февраль куни “Монако”га қарши бўлиб ўтади. Чемпионлар лигаси плей-офф босқичи илк ўйини 23:00 да (Тошкент вақти билан) старт олади.