Дел Пьеро Кивунинг қизил карточка изоҳидан норози бўлди
"Ювентус" афсонаси Алессандро Дел Пьеро "Интер" бош мураббийи Кристиан Кивунунг учрашувдан кейинги фикрларига муносабат билдирди. Бу ҳақда euro-football.ru хабар беради.
"Нерадзуррилар" устози қизил карточка билан якунланган эпизодда Алессандро Бастонини ҳимоя қилди. Киву Калулюнинг четлатилиши бўйича эътирозларга жавобан, контакт кучли бўлмаган тақдирда ҳам, "Ювентус" ҳимоячисининг сариқ карточкаси борлигини инобатга олиб, анча эҳтиёткор ҳаракат қилиши кераклигини таъкидлади.
Дел Пьеронинг айтишича, у Кивудан вазиятга бошқачароқ қарашни кутган: "Интер" бундай "совғалар"га муҳтож эмас. Чемпионатдаги энг кучли жамоа бўлсанг, ғалабага катта услубда эришишни хоҳлайсан, шундай йўллар билан эмас. Мен буни ўзим ҳам бошдан кечирганман. Балки Киву буни кейинроқ англар", — журналист Николо Скира Дел Пьеронинг сўзларини келтирди.
Эслатиб ўтамиз, "Интер" "Ювентус"ни 3:2 ҳисобида мағлуб этди. Ҳал қилувчи гол 90-дақиқада урилди.