Месси Lego конструктори ёрдамида жаҳон кубогини йиғди
Аргентина терма жамоаси юлдуз ҳужумчиси Лионел Месси ижтимоий тармоқлардаги саҳифасида қизиқарли пост билан бўлишди. Сурат ва видеолардан унинг Lego конструктори орқали жаҳон чемпионлиги кубогининг макетини йиғиб чиққанини кўринди. Бу ҳақда euro-football.ru хабар беради.
Месси эълон остида “Буни якунладик, Lego”, деб ёзиб, натижадан мамнунлигини яширмади. Йиғилган модел баландлиги бўйича асл трофейга мос келади, конструктор эса 2842 та деталдан иборат.
Бундай мураккаб макетни йиғиш анчагина вақт ва сабр талаб қилиши аниқ. Месси эса бу ишни охиригача етказиб, мухлисларига якуний кўринишни намойиш этди.
Эслатиб ўтамиз, Аргентина терма жамоаси амалдаги жаҳон чемпиони ҳисобланади. Ўтган мундиал финалида “альбиселесте” Франция билан 3:3 ҳисобидаги дурангдан сўнг пенальтилар сериясида ғалаба қозонган эди.