Криштиану Роналду қайтиб, гол билан ўзини эслатди
«Ал-Наср» ҳужумчиси Криштиану Роналду майдонга қайтган учрашувини гол билан безади. Бу ҳақда euro-football.ru хабар беради.
Португалиялик футболчи Саудия Арабистони чемпионатидаги аввалги икки баҳсда жамоасига ёрдам бера олмаган эди. Бироқ қайтиши билан дарҳол натижа кўрсатди: «Ал-Фатеҳ» дарвозасини 18-дақиқада ишғол қилди. Учрашув «Ал-Наср»нинг 2:0 ҳисобидаги ғалабаси билан якунланди.
Ўйин тугаганидан кўп ўтмай, 41 ёшли Роналду ижтимоий тармоқларда: «Яна бир қадам олдинга. Шу руҳда давом этиш керак», — деб ёзди.
Эр-Риёд клуби Саудия лигаси турнир жадвалида иккинчи ўринда бормоқда ва пешқадам «Ал-Ҳилол»дан атиги бир очко ортда қолган.