Икарди хет-трик қилиб «Галатасарай» тарихига кирди
Туркия чемпионатининг 22-турида «Галатасарай» «Эюпспор» устидан йирик ҳисобда ғалаба қозонди — 5:1. Учрашувнинг бош қаҳрамони аргентиналик ҳужумчи Мауро Икарди бўлиб, у учта гол урди. Бу ҳақда euro-football.ru хабар беради.
Бу хет-трик Икардига клуб тарихида муҳим натижани ҳам олиб келди: у «Галатасарай» сафида энг кўп гол урган легионерга айланди. Аввалги рекорд румин Георге Ҳажиқа тегишли эди — 75 та гол, Икардининг ҳисобида эса энди 76 та гол бор.
Клуб тўпурарлари умумий рўйхатида Икарди ҳозирча еттинчи поғонада қайд этилмоқда. Эслатиб ўтамиз, ҳужумчи 2023 йилдан бери «Галатасарай» шарафини ҳимоя қилади, ундан аввал ПСЖда ўйнаган.