Дел Пьеро Бастонининг узри ҳақида фикр билдирди
Туриннинг “Ювентус” клуби собиқ футболчиси Алессандро Дел Пьеро миланлик “Интер” ҳимоячиси Алессандро Бастонининг узрига муносабат билдирди. Бастони жамоалар ўртасидаги сўнгги ўйинда “қари синьора” футболчиси Пьер Калулюнинг майдондан четлатилишидан кейин провокацион тарзда қувониб юборгани учун кечирим сўраган эди. Бу ҳақда euro-football.ru хабар беради.
Дел Пьеронинг айтишича, Бастонининг бу қадами тўғри йўл танланганидан далолат. “Бу жуда яхши иш. Бўлиб ўтган воқеадан кейин вазиятни тортиб кўриб, хатосини тан олиши керак эди. Бу унинг шаънига муносиб. Ҳеч ким идеал бўла олмайди, аммо хатолар устида ишлаш орқали яхшироқ бўлиш мумкин”, — дея Дел Пьеронинг сўзларини келтиради TuttoJuve.
Эслатиб ўтамиз, “Интер” — “Ювентус” учрашуви ўтган ҳафта охирида бўлиб ўтди. Сафарда ўйнаган “Ювентус” 2:3 ҳисобида мағлуб бўлди.