«Вулверҳэмптон» ҳимоячиси биринчи голини фантастика деб атади
Англия Премьер-лигасининг 31-турида «Вулверҳэмптон» чемпионат етакчиси Лондоннинг «Арсенал»ига қарши ўйинда мағлубиятдан қутулиб, характер кўрсатди. «Бўрилар» 0:2 ҳисобида ортда бораётган пайтда ярим соат қолганда ҳимоячи Уго Буэно ҳисобни қисқартириб, камбек учун туртки берди. Бу ҳақда euro-football.ru хабар беради.
Учрашувдан кейин Буэно биринчи голидан катта мамнунлигини яширмади. «Биринчи голимдан жуда хурсандман. Мавсум биз учун осон кечмаяпти, аммо бу гол мен учун кичик тасалли. Энг муҳими, 0:2 дан қайтиб, очко олдик. Шу натижа бизга кейинги ўйинларда ҳам ижобий туртки бериши мумкин», — дея унинг сўзларини BBC Sport келтирди.
Шунга қарамай, ижобий натижага қарамасдан, «Вулверҳэмптон» турнир жадвалида ҳануз сўнгги ўринда қолмоқда.