Слуцкий бошқарувидаги «Шанхай Шэньхуа» охирги турда мағлуб бўлди
Осиё Чемпионлар лигасида етти турдан сўнг «Шанхай Шэньхуа»нинг плей-оффга чиқиш имконияти қолмади. Саккизинчи турда жамоа «Бурирам Юнайтед»га қарши ўйинда мусобақа билан хайрлашишдан аввал камида ижобий натижа кўрсатишга уриниб кўрди, бироқ бу сафар ҳам омад кулиб боқмади. Бу ҳақда euro-football.ru хабар беради.
Учрашув 0:2 ҳисобида тайландликлар фойдасига якунланди. «Бурирам Юнайтед» биринчи бўлимнинг дастлабки дақиқаларидаёқ икки бор рақиб дарвозасини ишғол қилди, кейин эса «Шанхай Шэньхуа» майдонда бир футболчисидан айрилиб, интригани деярли йўқотди.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.