Сучич «Интер» мағлубиятидан сўнг хотиржамликка чақирди
Миланнинг «Интер» клуби ярим ҳимоячиси Петар Сучич Чемпионлар лигасида «Будё-Глимт»га қарши ўйиндан кейин фикр билдирди. Норвегияликлар кутилмаганда 3:1 ҳисобида ғалаба қозонди. Бу ҳақда euro-football.ru хабар беради.
«Ўйиннинг ўзи оғир кечди, айниқса рақиб ўз майдонида жуда кучли. Натижа биз учун ёмон бўлди. Бу кеча омадсиз ўтди, бироқ хотиржамликни сақлашимиз ва уйда ғалаба қозонишимизга ишонишимиз керак», — дея Сучичнинг сўзларини УЕФА расмий сайти келтирди.
Мусобақанинг умумий босқичи якунларига кўра «Интер» 8 учрашувда 15 очко жамғариб, жадвалда 10-ўринни эгаллади. «Будё-Глимт» эса 9 очко билан ундан 12 поғона пастда жойлашди.
Жавоб учрашуви 24 февраль куни бўлиб ўтади.