«Арсенал» вингери Мадуэке ўзи ҳақидаги фикрларга муносабат билдирди
Лондоннинг «Арсенал» клуби футболчиси Нони Мадуэке жамоатчилик унинг феъл-атвори ҳақида нотўғри тасаввурга эга эканини айтди. Бу ҳақда euro-football.ru хабар беради.
23 ёшли вингернинг таъкидлашича, баъзи мухлислар уни ўзига бино қўйган, ҳаддан ташқари ишончли ёки етарлича меҳнат қилмайдиган футболчи деб ҳисоблайди. Мадуэке эса бунинг акси эканини, доим ўзи устида ишлашга интилишини ва ишига жуда жиддий ёндашишини қайд этди.
Жорий мавсумда Мадуэке 26 та учрашувда 6 та гол урди ва 3 та голли узатмани амалга оширди. Ўтган йил июлида «Арсенал» уни «Челси»дан 56 млн евроға сотиб олганди.