Жезуш Роналдуга навбатдаги ўйинда дам берилишини айтди
«Ал-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Роналду бойкотдан кейин тез орада сафга қайтиши кутилаётгандӣ, бироқ бу ўйинда ҳам португалиялик юлдуз таркибда бўлмайди.
Жезушнинг айтишича, жамоа тиғиз тақвим сабаб Роналду ва асосий таркибдаги яна бир нечта футболчига дам беришга қарор қилган. Мураббий бунинг ортида шанба куни «Ал-Фатеҳ»га қарши муҳим чемпионат ўйинига тайёргарлик борлигини таъкидлади.
«Al Nassr Zone» келтирган иқтибосда, Жезуш Роналдуга дам бериш ҳолати янгилик эмаслигини ҳам қўшган: ҳужумчи Саудия Арабистони ташқарисида ўтадиган учрашувларни аввал ҳам бир неча бор ўтказиб юборган.
Саудия чемпионатидаги «Ал-Фатеҳ» — «Ал-Наср» учрашуви 14-феврал, шанба куни бўлиб ўтади.